Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 28 Ionawr 2020

Amser: 08.30 - 09.05

Preifat

------

Yn bresennol

Categori	Enwau
Aelodau’r Pwyllgor:	Elin Jones AC, Llywydd (Cadeirydd) Rebecca Evans AC Darren Millar AC Siân Gwenllian Caroline Jones AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Siwan Davies, Cyfarwyddwr Busnes y Cynulliad Siân Wilkins, Pennaeth Gwasanaeth y Siambr a Phwyllgorau Gwion Evans, Pennaeth Swyddfa Breifat y Llywydd Elin Roberts, Cynghorwr Polisi i'r Llywydd Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

Roedd Sian Gwenllian yn driprwyo ar ran Rhun ap Iorwerth, a disgwylir iddi ymuno'n ffurfiol â'r Pwyllgor Busnes cyn y cyfarfod nesaf. Diolchodd y Llywydd i Rhun ap Iorwerth am ei gyfraniad fel aelod o'r pwyllgor.

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar gofnodion y cyfarfod ar gyfer eu cyhoeddi. 

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Gofynnodd Caroline Jones a fydd datganiad gan y llywodraeth ar y coronafirws. Dywedodd y Trefnydd wrthi fod y llywodraeth eisoes wedi cyhoeddi datganiad ysgrifenedig, ac y bydd yn diweddaru'r Cynulliad pe bai unrhyw newidiadau.

Dydd Mawrth

· Cynhelir y Cyfnod Pleidleisio fel yr eitem olaf o fusnes.

Dydd Mercher

· Cynhelir y Cyfnod Pleidleisio cyn y Ddadl Fer.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Dydd Mawrth 4 Chwefror 2020

· Datganiad gan y Gweinidog Iechyd a Gwasanaethau Cymdeithasol: Y wybodaeth ddiweddaraf am waith y Grŵp Rhyng-Weinidogol ar Dalu am Ofal Cymdeithasol (45 munud)

· Dadl: Adroddiad y Comisiwn ar Gyfiawnder yng Nghymru (60 munud)

</AI5>

<AI6>

3.3 Amserlen Busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 26 Chwefror 2020 -

· Amser a neilltuwyd i'r Ceidwadwyr Cymreig (60 munud)

· Amser a neilltuwyd i Blaid Cymru (60 munud)

· Amser a neilltuwyd i Blaid Brexit (60 munud)

</AI6>

<AI7>

3.4 Dadl ar Gynigion Deddfwriaethol Aelodau - dethol cynnig ar gyfer dadl

Cytunodd y Pwyllgor Busnes i ddethol y cynnig a ganlyn ar gyfer dadl ar 5 Chwefror:

NNDM7239 David Melding

Cynnig bod Cynulliad Cenedlaethol Cymru:

1. Yn nodi cynnig ar gyfer Bil sy'n ei gwneud yn ofynnol i bob cartref newydd a gaiff ei adeiladu gael ei osod ag o leiaf un pwynt gwefru ceir trydan. 

2. Yn nodi mai diben y Bil hwn fyddai sicrhau bod gan:

a) bob adeilad preswyl newydd sydd â lle parcio cysylltiedig fan gwefru trydan wedi'i osod;

b) bob adeilad preswyl newydd neu sy'n cael ei adnewyddu'n sylweddol, gyda mwy na 10 o leoedd parcio, lwybrau ceblau ar gyfer pwyntiau gwefru cerbydau trydan mewn o leiaf 50 y cant o gyfanswm y lleoedd parcio.

Cefnogir gan:

Angela Burns

Dai Lloyd

David J Rowlands

Huw Irranca-Davies

Jenny Rathbone

Mark Isherwood

Mohammad Asghar

Rhun ap Iorwerth

Russell George

Vikki Howells

</AI7>

<AI8>

4 Deddfwriaeth

</AI8>

<AI9>

4.1 Cynnig Cydsyniad Deddfwriaethol ar Fil Gemau'r Gymanwlad Birmingham.

Cytunodd Rheolwyr Busnes i gyfeirio'r Cynnig at Bwyllgor yr Economi, Seilwaith a Sgiliau a'r Pwyllgor Materion Cyfansoddiadol a Deddfwriaethol, gyda dyddiad cau ar gyfer adrodd ddydd Iau 12 Mawrth.

</AI9>

<AI10>

5 Pwyllgorau

</AI10>

<AI11>

5.1 Adroddiad Drafft ar y newid i enw a chylch gwaith y Pwyllgor Materion Cyfansoddiadol a Deddfwriaethol

Cytunodd y Rheolwyr Busnes ar yr adroddiad drafft.

</AI11>

<AI12>

5.2 Aelodaeth, cadeiryddion a chydbwysedd gwleidyddol pwyllgorau, gan gynnwys d'Hondt

Trafododd y Rheolwyr Busnes y papur a chytunwyd y dylai'r darpariaethau yn Neddf Llywodraeth Cymru 2006 sy'n nodi fformiwla d'Hondt ar gyfer dyrannu lleoedd pwyllgor pe na bai'r Cynulliad yn gallu cytuno ar gynnig ar aelodaeth gan fwyafrif o ddwy ran o dair, gael ei integreiddio yn y Rheolau Sefydlog. Byddai hyn yn caniatáu parhau i ddefnyddio fformiwla d'Hondt fel dull wrth gefn.

Trafododd y Rheolwyr Busnes ystod o faterion yn ymwneud â chydbwysedd gwleidyddol ar bwyllgorau a chadeiryddion pwyllgorau, yn enwedig gweithdrefnau ynghylch sut mae unrhyw newidiadau i'r cydbwysedd rhwng grwpiau yn ystod Cynulliad yn cael eu hadlewyrchu yng nghyfansoddiad pwyllgorau a chydbwysedd cadeiriau a gofynnwyd i'r Ysgrifenyddiaeth gyflwyno papur yn ystyried y materion hyn yn fwy manwl.

</AI12>

<AI13>

Unrhyw Fater Arall

Aelodaeth Plaid Cymru ar Bwyllgorau

Dywedodd y Llywydd wrth y Rheolwr Busnes y bydd Sian Gwenllian yn ymddiswyddo fel aelod o Gomisiwn y Cynulliad ac yn cymryd lle Rhun ap Iorwerth fel aelod o'r Pwyllgor Busnes. Bydd Rhun ap Iorwerth yn ei dro yn cael ei enwebu'n Gomisiynydd. Mae hyn yn rhan o ad-drefnu ehangach o fewn Plaid Cymru, sy'n cynnwys newidiadau i'w lleoedd ar bwyllgorau. Cytunodd y Rheolwyr Busnes i gymryd y cynigion angenrheidiol i wneud y newidiadau hyn brynhawn dydd Mawrth.

Cwestiynau wedi'u grwpio

Cafodd y Rheolwyr Busnes eu hatgoffa gan y Llywydd mai eu cyfrifoldeb hwy yw sicrhau bod unrhyw Aelodau sy'n gofyn cwestiynau atodol yn cael eu gwneud yn ymwybodol pan fydd cwestiynau'n cael eu grwpio.

</AI13>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>